Granchius
Antonio Romeo
I Vigili
Chi rivutura,
chi frastonu amaru,
non si po' cchiu caminari 'ntra sti strhati:
di lu Carvariu fin'a ntra la chiazza
na fila di machini ntasata
non faci pemmu fai mancu nu metrhu.
E ntra
lu corsu è la stessa cosa:
'no quantu ca poi iiri pe' Perciana;
ntra lu viali ?…mancu mu si parla,
specialmenti lu iornu di mercatu,
la strhata
si riduci a nu gudejhu:
si voi mu passi ha' mu ndai abbacu.
Lu scrusciu di motori e motorini
si fa cchiu forti e hjacca li milinghi.
Li guardii?….
E cu li vidi mai!…….
Si carchi vota capita mu nc'ennu,
sannu sulu mu frischianu e nent'atrhu,
cridendu ca lu hjuhhju di frischiottu
po' smoviri li machini 'ntasati.
E frischiunu…frischianu….l'amari… ..
Cuntravenzioni?… Mancu mu si dici!….
Ca si unu li guarda cu 'na smistrha
si la fannu di 'ncojhu, e cacariandu,
scappanu pe' sutt'a San Nicola,
undi nc'è lu trhappitu di Guerrisi.
Stu fracassu
nchianau finn'a lu celu,
E mo' lu Paradisu pari Mpernu.
Lu Patrheternu non ndi potti cchiu':
chiamau a San Petrhu e lu cumandau
mu vaci pemmu trhova a San Micheli,
mu si presenta subbitu a rapportu.
Comu
nu lampu San Petrhu iiu e tornau
assemi a San Micheli cu la spata.
"Ma chi facisti, Micheluzzu meu?
- nc'issi cu li mani ntra la barva ,-
Ti dezzi nu paisi mu proteggi,
e tu mi cumbinasti 'na iaiata.
Veni, e guarda di 'sta finestrhejha
Chi succedi ntr'a tutti chijhi strhati.
Li vidi
e senti sti vacabbunduni
Chi vannu piditandu cu li motu
sutt'e supa, di matina a sira,
e non nc'è nujhu mai pemmu li ferma?
Secundu
tia, chista è cosa giusta?
Guarda chijhi machini jh'assutta,
arrestati comu gruppa di sozzizzi.
Lu vidi o no, tuttu st'ammuiinu?
Carcosa s'ha di fari, e prestu prestu!".
L'Arcangelu
si stava a testa vascia,
e, tuttu virgognusu, repricau:
"Chi voliti mu fazzu?
Voliti pemmu vaiu cu sta spata
e mu li spanzu a tutti sti sassini"?
"No,
no, sta quetu - nc'issi lu Signuri -
non t'arriminari; la spata chi t'ezzi ti serviu
Sulu ogn'anno, li iorna di la festa,
Mu hjacchi nivolati e morimamma
E mu
mandi sup'a chija genti
Ventu e acqua cu li cati mu l'anneghi;
e pe'cchissu, lu ntisi cu st'aricchii,
nci fu puru cu' ti iestimau, e no 'na vota…."
"Sa' chi facimu?…. Senti chi pensai,
Va miscita 'ntra tutti l'angialejhi
E trova a Mastrhu Lona ed a Caciejhu,
e puru e Don Quintinu, si lu vidi.
Mu si pigghianu tutti lu barrittu,
Senza
frischiotta, ti lu raccumandu,
E mu vann' ijhi ca carcosa fannu.
Anzi, pe' megghiu, cala tu cu ijhi
E dunanci 'na manu ca, chi boi,
mo' su anziani e non ponnu tantu.
Aviti,
però, mu stati attenti
Quandu appoiati 'nterra cu li pedi
Mu fati chianu, chianu e destrhi, destrhi,
Pe' nommu mpaticati li hjureri.
Cercati
mu carmati stu fracellu
Ca veramenti cchiu' non si ndi poti.
La sira, poi hai, mu l'accumpagni
Jh'a Mindalu pe' vinu a cuntu meu;
dinci ca comu scangiu nci lu pagu.
N'urtima
cosa: prima pemmu torni,
va trhov'a lu Sindacu jh'assupa,
ca mancu lu cumuni cangiau casa,
e danci stu cunsigghiu a nomi meu:
Dinci
ca pe' risparmiu sarria bonu
Pe' guardii pemmu menti sei pasturi
Fatti di crita e diritti ntra li strhati,
ca cu chjhi chi nci su, eni lu stessu..
Se si cumbinci, dinci ca chiamamu
A Micu di Ciccia, ch è cc'assupa,
chi pe' fari pasturi è veru mastrhu,
e poi nci li mandamu, senza spisi".
(Falstaff)
www.cinquefrondi.com - ©2000,2005
|
