Granchius
Antonio Romeo
La villa
Quandu
Don Cicciu fici chista villa
Si la preiava comu na figghiola,
passava uri 'nteri mu la guarda,
e nc'arridianu l'occhi, si papariiava
e no' mbolia mu toccanu nu chjiuri,
ca si 'ncazzava comu nu dannatu.
Catarinejhu nc'era a chijhu tempu
Chi facìa lu guardia cumunali.
Chjantaru n'aburejhu 'na matina
E Don Cicciu chi v'avia assistutu
Nc'ezzi ordini a lu guardia, chi pagava,
mu staci attentu nommu, arrassusia,
carc'unu lu scippava di jha 'nterra.
Ma na sira,però, massaru Chieli
Tornandu di la strata principali,
No' s'accorgiu, e 'na pecurejha
Di l'arburejhu fici nu ghiuttuni.
Pecchi tandu li pecuri e li crapi,
Cu lu massaru e carchi cani bruttu,
passavano propriu di 'ntra lu paisi,
siminandu carocciula e pisciati.
Madonna di li Posi, chi fracellu
Fici Don Cicciu quandu l'appurau…..
'Nchianau di curza sup'a lu cumuni
e cumbucau a Catarinejhu.
Pe' nent'e nujha non nci minau.
Ma nc'issi cu l'occhi di fora:
"Posa sup'a ssa seggia lu barrittu,
ca non si degnu cchiu pemmu lu porti.
Ti ndi futtisti di l'ordini chi t'ezzi,
e facisti mu perdu na criatura.
Vattindi pe' la casa nomm'avissi
Mu perdu la pacienza e mu ti sparu".
Chista è storia e non si po' negari.
Carc'uno poti diri ca don Cicciu
Era nu prepotenti Potestà.
Ma nujhu poti diri, cu coscienza
Ca pe lu paisi n'abbadava
E mo' chi succedi, chi li cosi cangiaru
E ndi guverna la dimocrazzia?
Facitivi ddu passi 'ntra sta villa…..
Guardati 'ntra l'aioli; e si trovati
Nu chjiuri sulu poi mi lu diciti.
Sennò mi 'ncazzu!
Ma non vi schiantati:
sulu carchi ziringa potiti annocchiari…….
E stati attenti nommu vi pungiti.
(Satiricus 2002)
www.cinquefrondi.com - ©2000,2005
|
